Á morgun

Jæja, þá er komið að því...

Sjáumst á morgun.

Ef þið finnið engin stæði nálægt þá er líklega sniðugt að leggja hjá Fjölbrautarskólanum í Breiðholti við Austurberg. Þaðan er aðeins 4 mínútna gangur.

Jafnvel sniðugast að henda farþegunum út á Vesturbergi og bílstjórinn fari sjálfur að FB.

Ég man ekki hvort ég ætlaði að skrifa eitthvað meira til ykkar.

Góða nótt!

Skófatnaður

Hæ!

Passið ykkur á að koma ekki á háum hælum í Elliðaárdalinn. Við mælum að minnsta kosti ekki með því. Takið fínu skóna með ykkur í poka og geymið þá fyrir veisluna.

Athugið líka að eftir því sem að fleiri kaupa regnhlífar því betra veður verður.

Sjáumst á morgun.

Tími lista

Kúnígúnd var að hringja og segja okkur að það væru bara hnífar eftir á listanum hjá þeim og að sjálfsögðu gefur engin hnífa. Það er samt engin ógæfa að gefa gjafabréf fyrir hnífum.

Annars erum við búin að gera stuttan lista í Líf og List í Kringlunni.

Þetta er búið að vera miklu fljótara að líða en við bjuggumst við.

Ætluðum að gera miklu fleiri brúðargjafalista (vonum að það sé nóg fyrir alla á núverandi listum) og ætluðum að læra að dansa einhvern svakalegan dans en tíminn hefur flogið frá okkur.

Kærar kveðjur og vona að þið hlakkið til,
Sigursteinn

Haha,

Hér er mynd af Elliðaárdalnum.
Innan gula rammans er athafnarstaðurinn,
Það tekur 7 min. að ganga bleikuleiðina, frá rafstöðvarheimilinu.
Það tekur 8-10 min. að ganga grænuleiðina, frá grænmetisgörðunum við Vatnsveituveg.
Ég hef enn ekki gengið bláu leiðina en það lítur út fyrir að vera svipað löng vegalengd.
Munið, athöfnin byrjar klukkan tvö og því er ráð að vera dálítið tímanlega.


Hér er linkur á betri mynd:
http://www.flickr.com/photos/fridaynightmagic/4711500606/sizes/l/

Komnir listar í Kúnígúnd í Kringlunni og Búsáhöld.

Brúðkaupsundirbúningur í fullum gangi

Við erum búin að gera gjafalista í Kokku og Dún og Fiður fleiri eru í bígerð.

Það vantar líka ýmislegt fyrir brúðkaupið:

Það þarf að baka 40 kökur. Við erum komin með uppskriftirnar, nú er bara spurningu um að baka!

Okkur vantar bollastell, kaffisilfur, kökudiska og blómavasa.

Ef þið viljið bjóða ykkur fram til baksturs eða viljið lána okkur eitthvað þá væri það vel þegið! :D

Nú styttist í að við sjáum ykkur en það á enn helmingur eftir að svara! (líka svara ef þið ætlið að koma)

Fljótlega koma inn kort af athafnarstaðnum og fleiri brúðarlistar.